Aktivitete promovues per kopshtet komunitare

Kopshtet Komunitare nuk janë vetëm një atraksion i shtuar në Korçë, por tashmë përfaqësojnë prej 3 vitesh një model të shkëlqyer të punës vullnetare dhe bashkëpunimit komunitar, me synimin për t’u shtrirë edhe më gjerë në hapësira të tjera. Familjet së bashku me fëmijët e tyre kujdesen çdo ditë me shumë përkushtim gjatë gjithë kohës për punimin, plehrimin e tokës, mbjelljen, ujitjen e tokës si edhe promovimin dhe vjeljen e prodhimeve. Këtë vit përmes aktiviteteve të Kopshteve Komunitare synohet të realizohen fushata ndërgjegjësuese në kopshte dhe shkolla, në kontekstin e pasurimit të oborreve me lule, por edhe krijimin e ambienteve sa më miqësore për përkujdesjen ndaj mjedisit.