ʺKëngë mojʺ

“Maratona Këngë Moj”  është një event multikulturor, i cili zhvillohet në formën e një turneu artistik në qytetet e ndryshme të Shqipërisë. Ky event është tanimë tradicional dhe është prej vitesh në kalendarin artistik të vendit duke u mbështetur gjithmonë nga Ministria e Kulturës dhe bashkitë e qyteteve si dhe nga një sërë sponsorësh dhe donatorësh që e shoqërojnë me logjistikën e tyre promovuese në sheshet ku ky event zhvillohet. Në këtë event marrin pjesë artistët më të spikatur të muzikës popullore shqiptare. Maratona pret cdo vit një numër rekord spektatorësh, të cilët këndojnë e vallzojnë nën ritmin e këngëve së bashku me artistët më të mirë të muzikës popullore shqiptare.