ʺOpen Cinemaʺ

Ashtu si në shumë qytete të Shqipërisë edhe në Ersekë, nën kujdesin e veçantë të Kryetarit të Bashkisë tashmë filloi te organizohet aktiviteti Kombëtar: “OPEN CINEMA”.Ky aktivitet shënon gjithashtu dhe celjen e sezonit veror. Një ekran i madh 40m2 vendoset në pedonalen e qytetit, ku projektohen filmat e fundit të kinemasë shqiptare si dhe asaj botërore. Artistë, kineastë, të ftuar në këtë show artistik – kinematografik. Aktiviteti fillon çdo mbrëmje në orën 20:30 dhe mbaron në orën 23:30. Përvec filmave që shfaqen në ekran ka të ftuar special edhe këngëtarë të njohur të muzikës së lehtë dhe asaj popullore. Në 5 netë rresht një show plot atmosferë sjell kënaqësi të veçantë për rininë e Ersekës, visitorë e turistë të huaj dhe më gjërë. Ky projekt është menduar në formën e nje spektakli show artistik – kinematografik. Në thelb të këtij eventi jane prodhimet e fundit të kinemasë shqiptare si dhe filmit të huaj të ri dhe nostalgjik. Gjithashtu dhe këngëtarë të njohur të cilët do të performojnë para ekranit. Ky aktivitet përcjell nga njeri brez tek tjetri, këtë gjini të bukur të artit si dhe këngës të bukur shqiptare.